مفتی منیر شاکر شہید

اکثر لوگوں میں یہ غلط فہمی پائی جاتی ہے کہ مفتی منیر شاکر احادیث کے منکر تھے۔ حقیقت اس کے برعکس ہے۔ وہ حدیث کے انکاری نہیں بلکہ اس کے قدر دان اور محافظ تھے۔ ان کا نقطۂ نظر دو بنیادی ستونوں پر کھڑا ہے: قرآن اور عقل۔

مفتی منیر شاکر کا کہنا تھا کہ نبی اکرم ﷺ کبھی کوئی ایسی بات نہیں فرمائیں گے جو قرآن کی تعلیمات کے خلاف ہو۔ لہٰذا اگر کوئی روایت قران سے متصادم ہو تو اس کی مزید تحقیق ضروری ہے۔

مفتی منیر شاکر کی جدوجہد کا ایک نمایاں پہلو ان کی جہادی خدمات بھی ہیں۔ مگر ان کا تصور جہاد صرف تلوار یا ہتھیار تک محدود نہیں تھا۔ وہ جہاد کو ظلم کے خلاف ایک وسیع جدوجہد سمجھتے تھے، جس کا مقصد امن و انصاف قائم کرنا اور دین و ملت کی حفاظت کرنا تھا۔